使用條款
最後更新：2026 年 7 月 · 適用於 姐姐計糧易 Maid Pay Easy（下稱「本服務」）
使用本服務即表示你同意以下條款。如你唔同意，請停止使用。
最重要一點：本服務係一個計算及記錄工具，唔係法律意見。所有法定假日、休息日、補假及膳食安排，一概以香港勞工處公布嘅指引及香港法例為準。
一、服務內容
本服務為香港僱主提供外籍家庭傭工薪金計算、假期記錄、糧單生成及電子簽收功能。本服務按你輸入嘅資料進行計算，計算結果嘅準確性取決於你輸入嘅資料是否正確。
二、帳戶
- 你須提供有效電郵註冊，並負責保管你嘅密碼
- 你對透過你帳戶進行嘅所有活動負責
- 如發現帳戶被未經授權使用，請即時通知我哋
三、免費版及收費
免費版（永久免費，不設期限）：
- 可儲存僱主資料及姐姐基本資料（姓名、月薪、合約期、膳食安排），不限姐姐人數
- 可計算任何月份嘅薪金，並列印糧單（附有浮水印）
- 不會儲存每月計糧記錄、法定假日補假記錄；不提供姐姐電子簽收連結
付費解鎖（按姐姐計算）：
- 每位姐姐 HK$28，可使用 24 個月，由付款當日起計
- 解鎖後該位姐姐可：儲存每月糧單記錄、產生姐姐電子簽收連結、儲存法定假日補假記錄、列印無浮水印糧單
- 解鎖只適用於所指定嘅一位姐姐。如需為另一位姐姐解鎖，須另行付費 HK$28
- 此為一次性付款，並非訂閱制，不會自動續期或自動扣款
- 付款經 Stripe 處理
24 個月完結後：你喺付費期內產生嘅糧單記錄會一直保留，可隨時查閱、開啟簽收連結及列印。你亦可繼續使用免費版嘅計糧及列印功能。惟新產生嘅計糧記錄將不再儲存，直至你為該位姐姐續期。續期為 HK$28，可再用 24 個月；如喺到期前續期，新期限由原到期日起計，不會損失餘下日數。
四、退款
由於服務屬即時解鎖嘅數碼產品，付款後一般不設退款。如你因系統問題而未能使用已付費嘅功能，請喺 14 日內電郵 hello@maidpayeasy.com 提出，我哋會按個別情況處理。
五、計算結果及法律責任
本服務提供嘅計算結果、假期資料及法例摘要，僅供一般參考，並不構成法律、會計或稅務意見。你有責任核實計算結果，並確保你嘅僱傭安排符合《僱傭條例》及標準僱傭合約（ID 407）嘅要求。如有具體法律疑問，請向勞工處或專業法律顧問查詢。
在法律容許嘅最大範圍內，我哋唔會就以下情況承擔責任：
- 因你輸入錯誤資料而導致嘅計算錯誤
- 因你嘅僱傭安排不符合法例而引致嘅任何罰款、申索或損失
- 因服務暫停、中斷或資料遺失而引致嘅間接或後果性損失
六、法定假日資料
本服務內置嘅香港法定假日資料，來自香港政府公布嘅資訊。政府如有更新，我哋會盡力及時更新，但唔保證即時同步。使用前請自行核對政府一站通公眾假期頁面。
七、糧單及電子簽收
- 未經姐姐簽收嘅糧單，你可以隨時更新或刪除
- 糧單一經姐姐簽收，即會鎖定，任何人（包括你）都唔可以修改或刪除，以保障雙方憑證效力
- 電子簽收記錄可作為雙方之間嘅內部憑證，但其法律效力最終由法院或有關機關判定，我哋唔作任何保證
八、你嘅責任
- 你確認你有權處理你輸入嘅姐姐個人資料，並已按《個人資料（私隱）條例》履行相關告知責任
- 你唔可以利用本服務作任何違法用途
- 你唔可以嘗試繞過付費限制、干擾系統運作或未經授權存取他人資料
九、服務變更及終止
我哋可能會不時更新、修改或終止本服務嘅部分或全部功能。如有重大變更，我哋會事先以電郵通知。如你嚴重違反本條款，我哋保留暫停或終止你帳戶嘅權利。
如本服務全面終止，我哋會提供合理通知期，並讓你匯出或列印已儲存嘅糧單記錄。
十、知識產權
本服務嘅程式、設計、品牌名稱及標誌屬於本服務營運者所有。你輸入嘅資料仍然屬於你。
十一、適用法律
本條款受香港特別行政區法律管轄，並受香港法院嘅專屬司法管轄權管轄。
十二、聯絡我哋
如對本使用條款有任何疑問，請電郵 hello@maidpayeasy.com。